Meeqqat atuarfiannit qaffasinnerusumik ilinniarnermik naammassinnissimasut
2018-imi innuttaasut 16-it 74-illu akornanni ukiullit 38,0 pct.-ii meeqqat atuarfiannit qaffasinnerusumik ilinniagaqarsimapput, ukiut qulit ingerlanerini 6,8 pct.-inik qaffallutik.
Taakkunannga 11,0 pct.-it ingerlariaqqiffiusumik ilinniagaqarsimapput, 26,9 pct.-illu ilinniarnertuutut, inuussutissarsiornermi ilinniarnermik imaluunniit angusanik qaffassaanermik ilinniagaqarsimapput. Tamanna ukiut qulit ingerlanerini 1,8 pct.-inik aamma 5,0 pct.-inik qaffariarneruvoq.
Titartagaq 1. 2008-miit 2018-imut innuttaasut qaffasinnerpaamik ilinniagaqarsimassusaat
Nassuiaat: Ilinniarnertuunngorniarluni inuussutissarsiornermilu ilinniarnerni angusanik qaffassaanerit ilaapput.
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNISCPROD).